ဒီကနေ့ အိုင်တီခေတ်မှာ အင်တာနက်၊ အီးမေးလ်နဲ့ မကင်းနိုင်တာမို့ အီးမေးလ်ကျင့်ဝတ်တွေကို စုဆောင်းပေးလိုက်ပါတယ်။
တိုတိုတုတ်တုတ်၊ ထိထိမိမိ၊ လိုရင်းတိုရှင်းရေးပါ။ မလိုအပ်ဘဲ ဝေ့၀ိုက်မနေမိပါစေနဲ့။
ပြန်စာရေးရင် တစ်ဖက်လူ သိချင်တာတွေကို အရင်ဖြေပါ။ ကျန်သွားလို့ ပြန်ဖြေရရင် နှစ်ယောက်စလုံး အလုပ်ရှုပ်တယ်။
စာလုံးပေါင်းသတ်ပုံနဲ့ သဒ္ဒါမှန်ဖို့ ဂရုပြုပါ။ ဖတ်တဲ့သူ နားမလည်ဘဲ သဘောပေါက်မှားသွားရင် ရှင်းရမယ့်ပြဿနာက တော်တော်ကြီးသွားပါလိမ့်မယ်။
အီးမေးလ်ပို့တယ်ဆိုတာက ကိုယ့်ဆီက မြန်မြန်ဆန်ဆန် ပြန်စာလိုချင်လို့ပါ။ ၂၄ နာရီအတွင်း ပြန်တာက အကောင်းဆုံးပါပဲ။
မလိုအပ်တဲ့ဖိုင်တွေကို Attach မလုပ်ပါနဲ့။ ဖိုင်အကြီးကြီးတွေကို Attach လုပ်ရင် စက်လည်းနှေး၊ အနှောင့်အယှက်လည်း ဖြစ်နိုင်ပါတယ်။ ဖိုင်ဆိုက်အကြီးကြီးတွေကို Zip လုပ်ပြီးပို့တာ အကောင်းဆုံးပါပဲ။
ကွန်ပျူတာပေါ်ဖတ်ရတာ စာရွက်ထက် ပိုခက်တာကြောင့် စာရေးရင် နံပါတ်တပ်တာ၊ အပိုဒ်ခွဲ ရေးတာတွေက ကိုယ်ရေးထားတာကို နားလည်သဘောပေါက်လွယ်စေပါတယ်။
အက္ခရာအကြီး ( Capital Letter ) နဲ့ လုံးဝ မရေးပါနဲ့။ အော်ပြောနေတဲ့ပုံ ပေါက်သွားတာကြောင့် တစ်ဖက်လူ စိတ်ခုသွားနိုင်ပါတယ်။
အီးမေးလ်မပို့ခင် နောက်ဆုံးတစ်ခေါက် ပြန်ဖတ်ပါ။ အတော်များများက စာလုံးပေါင်းတွေ မှားလွန်းလို့ပါ။
လူအားလုံးကို သိစေချင်တဲ့အချက်တွေ တူနေမှ Reply All ကို လုပ်ပါ။
အဲ ... နောက်ဆုံး အရေးအကြီးဆုံးက ဖြစ်နိုင်ရင် အရေးကြီး လျှို့ဝှက်ထားရမယ့် ကိစ္စတွေကို အီးမေးလ်ပို့ပြီး မပြောကြပါနဲ့။
( မြန်မာတိုင်းမ်မှ မေဦးမိုးရဲ့ “အီးမေးလ်ပို့ရင် . . .” ဆောင်းပါးအား ပြန်လည်ဖော်ပြပါသည်။ )
